“Bazen behin neskato bat, hitzez eta pentagramaz inguratua hazi zena.Hasieran ipuinak bakarrik irakurtzen zituen, baina denborak aurrera egin ahala, bere istorioak sortzen hasi zen. Eta gustua hartu zion idazteari. Beraz, karrera aukeratu behar izan zuenean, Publizitatea eta Harreman Publikoak aukeratu zuen, non pertsuasio-komunikazioa ikasi zuen eta publizitate-sormenaren mundua deskubritu zuen”

Horrela hasiko zen nire bizitzari buruzko ipuina. Funtsezko pertsonaiak dituen istorio bat, hala nola, hitz idatzia eta ahozkoa, musika, antzerkia eta irakaskuntza. Eta hari gidari gisa: ekintzailetza.

Nire bizitzako paper nagusia aukeratu beharko banu, “Ekintzaile” izango nintzateke. Ipuinetik, komunikaziotik eta idazten eta partekatzen ditudan hitzetatik bizitzeko aukera ematen dit. “Un Relato para cada rato”  ipuin pertsonalizatuetan, Sorgina Txirulina  bezala partekatzen ditudan haurrentzako ipuin  saioetan edo helduentzako ikuskizunetan entzun ditzakezun hitzak.

Zeharkako txirula edo saxofoi doinuekin batera doazenak. Eta beste hizkuntza batzuk deskubritzen jarraitzen dudan bitartean, hala nola clown edo Poesia eszenikoa, nire musika-taldeekin abestiak sortzen segituko dut.

Horrela, ipuin horretako neskatila hura webgune honetan aurkituko duzun guztia bihurtu zen, proiektu berri bakoitzarekin hazten den pertsona polifazetikoa.

Hala bazan, edo ez baza, sar dadila abentura hontan!